PAKAWALAN

Likha ni: Jun-Jun

Limutin ang mga imaheng naiwan

Limutin ang mga alaalang nagdaan

Oo’t nilimot ko na nga nang tuluyan

Kahit mga mata ko ngayo’y luhaan.

Ngayon, narito na ako

Narito sa pinakamahirap na yugto ng buhay ko

Pakawalan ang pusong nagsusumamo

Pilit na sinusubukang matuto

Matutong pakawalan ang isang tulad mo.

Subukan mang ayusin ang lahat

Sabihin man ang paalam at salamat

Mga mata’y hindi pa rin maidilat

Pagpapalaya sayo’y hindi matupad.

‘Di masubukan ang pinangakong kalayaan

Nakakapit pa rin sa mga salitang binitiwan

Sana’y payagan kahit muling pagkakaibigan

Patuluyin sa pusong ako’y pinagsarahan.

Ngayon, narito na ako

Narito sa pinakamahirap na yugto ng buhay ko

Pakawalan ang pusong nagsusumamo

Pilit na sinusubukang matuto

Matutong pakawalan ang isang tulad mo.

Pilit na sinusubukang matuto

Matutong pakawalan ang isang tulad mo.

(Tula sa dating minamahal)