Likha ni Jun-Jun
Abakada
Bibigkasin ko
Iparirinig ko sayo
Bakit?
Wala
Dahil gusto ko.
A ...
Ako ngayon
Malapit na yatang mamatay
Mamamatay na naghihintay
Naghihintay na lingunin mo
Kahit ang kasama mo'y siya
Kahit tuwang-tuwa ka sa kanya
Kung kaligayahan mo'y siya
Masaya na rin ako para sa inyong dalawa.
Ba ...
Baka rin naman hindi mo ko mapansin
Kahit tumayo pa ko sa harap mo
Kahit sumigaw pa ko sa dami ng tao
Kahit magpakita pa ko bilang multo
Kung kaligayahan mo'y siya
Masaya na rin ako para sa inyong dalawa.
Ka ...
Kasiyahan ko nga'y ikaw
Hindi na magbabago iyon
Kahit sumuko na pati imahinasyon ko
Kahit burado ka na sa panaginip ko
Kung kaligayahan mo'y siya
Masaya na rin ako para sa inyong dalawa.
Da ...
Dadalawin pa rin naman kita
Saan?
Sa'king alaala
Basta't dadalawin din ako
Ng mga ngiti mong walang humpay
Masaya ka nga ng panghabambuhay
Kung kaligayahan mo'y siya
Masaya na rin ako para sa inyong dalawa.
Para sa kantang:
"Stone Cold"
No comments:
Post a Comment