BINABAE

Likha ni: Jun-Jun

Binabae
Bakla, Bading, Beki
Babae sa katawan ng Lalaki
Ito ang realidad
Katotohanang hubo't hubad
Anuman ang kanyang ganap
Mananatili siyang nasa alapaap.



Sa marami, siya'y pusong-babae
Salot naman, para sa ilan
Mahirap tanggapin
Sa mga husgado, paaalipin
Kahit panghuhusga ay sapitin
Ngiting may tuwa't saya ang dala sa'tin
Patuloy na hahanapin
Ang pagtanggap na sa kaniya'y inangkin
Bakla, siya ngayo'y aamin.

Noo'y nang-uubos ng lakas
Ngayo'y nagpapatawa ng wagas
Daig pa kung sinong maangas
'Di man niya alam
'Di alam ang naging landas
Masaya pa rin ang magiging wakas
Sa kanyang mukha mababakas
Ang pagtingin na sana'y patas
Upang dinggin din sa itaas
Sikretong napakamapangahas.

Mananatili ito
Sa kaniyang kapalaran
Sabihin mang mali
Ng banal na kasulatan
At ito'y ituring na kasalanan
Tanging dakilang lumikha lang
Ang huhusga sa hangganan.