Likha ni Jun-Jun
Dumilat ako
Hinayaang makita ka
Ikaw lang
Wala nang iba
Pa'no ito?
Pa'no kung ito'y totoo?
Kung tayong dalawa na lang sa mundo
Pipikit pa ba ako?
Kung tayong dalawa na lang sa mundo
Hindi na ako kukurap
Mata ko'y ibabaling na sa iyo
Babantayan kita
Dahil baka pati ika'y mawala pa
Hindi ko kakayaning maging mag-isa pa.
Kung tayong dalawa na lang sa mundo
Magpapakilala na ko sayo
Ikukuwento ko na lahat-lahat sayo
Patatawanin na kita ng todo-todo
Isasayaw kita't aawitan
Ipararamdam sayo ng buong kasiyahan.
Kung tayong dalawa na lang sa mundo
Uubusin ko na lahat ng oras
Susulitin ko na lahat ng minuto
Wala kong sasayanging segundo
Kasama ka
Iikutin natin ang daigdig
Walang pagod na madidinig
Kasama ka
Kung tayong dalawa na lang sa mundo
Ayoko nang matulog pa
Ayoko nang kumain pa
Sasabayan na kita sa pamamahinga
Gusto kong kasama ka
At matira na lang tayong dalawa.
Para sa kantang
"Two Less Lonely People in the World"
No comments:
Post a Comment