Iisahing-Yugtong Dula
Sa
Panulat at Direksyon ni:
Maestro
Jason B. Samson
Mga Tauhan:
·
Lalaki
·
Babae
·
Mga pasaherong naghihintay
·
Konduktor
Pangkalahatang
Pagtingin:
Oras
na ng uwian. Papauwi na rin ang dalawang mag-ex na magkakasalubong sa isang
terminal ng tricycle kung saan sila sasakay. Dito magsisimulang magparinigan at
mag-hugotan ang lahat.
Ang Pagtatanghal:
Magkakatinginan
ang dalawa sa pagsasalubong nila. Akward moment ito para sa kanilang dalawa.
Pero patay-malisya parehas. Palinga-linga na lang habang naghihintay ng
paparating na tricycle. Pipila ang dalawa sa mga pasaherong nakahanay at
naghihintay rin ng tricycle.
Hugot #1.
BABAE: Hayyy, ano
ba yan! Walang tricycle. Pati ba naman tricycle na kailangan sa buhay, mawawala
pa. Tricyle na nga lang matino sa mundo eh. Biruin mo, isasakay kang special.
Ihahatid ka pa kahit hanggang sa bahay mo. At hindi basta-basta nagloloko. Di
tulad ng iba diyan ... na mga sasakyan!
LALAKI: Ang hirap
naman kasi sa ibang pasahero, hindi marunong maghintay. Gusto agad-agad! Kapag
kailangan ng masasakyang, kailangan nandiyan agad! Eh paano kung busy. Paano
kung may nakasakay pang ibang pasahero. Gusto kasi ng iba, lahat ng oras ay sa
kanya.
BABAE: Ang tagal
naman ng mga tricycle. Baka mamaya, nakahanap na ng iba ... ibang pasahero. May
bagong na namang espesyal para sa kaniya. Di man lang nila naisip na may
nangangailangan sa kanila na matagal nilang pinaghintay. Pero pinaghintay sa
wala!
LALAKI: Ang hirap
kasi sa ibang pasahero, gusto sila lang ang priority sa buhay. Akala naman
niya, mahal ang ibinabayad niya. Tapos manghihingi pa ng discount. Hihingi pa
ng sukli. Dapat kung anong ibinigay mo, ibigay mo ng buo. Huwag ka nang
manghihingi pa ng kapalit. Lahat na lang dapat may kapalit.
BABAE: Tapos, yang
mga tricycle driver na yan, hindi marurunong makuntento yan. Gusto niya
maramihan. Kasi nga, mas marami mas masaya. Di nila alam, may isang nasasaktan
na ... sa loob ng tricycle. Pwede namang isa lang, pero hahanap pa ... ng ibang
pasahero.
LALAKI: Ako saludo
ako sa mga tricycle driver. Kasi kahit pagod na sila, hindi sila nang-iiwan.
Kasi alam nilang may naghihintay pa rin sa kanila. Sa kanila nga, 25 pesos
lang, special ka na. Sa iba, binigay mo na't lahat, susupladahan ka pa.
BABAE: Dito na nga
lang ako sa dulo ng pila. Mas okay ng ako yung pinakahuli, para hindi na ko
makikipagsiksikan. Hindi na ko masasaktan pa. Hindi man ako yung una, atleast
alam kong may darating pa na ako na lang mag-isa ang para sa kanya.
LALAKI: Kapag
nakasakay ka na sa tricycle, humawak kang mabuti. Baka kasi mahulog ka. Tapos,
kapag walang sumalo, magagalit ka. Kalsada ang dadaanan mo, at hindi kamay na
laging nakaaalalay.
Isa-isang
magsasalita at huhugot na rin ang iba pang pasaherong nakapila. Magugulat sina
Lalaki at Babae.
Hugot #2.
PASAHERO 1: Miss,
kain ka nang kain dyan. Share your blessings naman!
PASAHERO 2: Share
your blessing? Pati ba naman ikaw makiki-share din? Ano ba naman ate, Kaya nga
nagkanda-leche-leche ‘tong buhay ko dahil sa inyong mga nakiki-share. Mga
panira kayo eh. Dapat sa inyo mawala na sa mundo!
PASAHERO 1: Oh eh
di ikaw na! Sige na kainin mo na! Sana mabusog ka! Kasi pati mga pangako mo,
kinain mo na!
Hugot #3.
Magtatanong
si Pasahero 3 kay Pasahero 4.
PASAHERO 3: Manong
magkano po padiretso sa Brgy. Maligaya?
PASAHERO 4:
Singkwenta pesos po!
PASAHERO 3: Ang
mahal!!!
PASAHERO 4: Mahal?
Ilang beses ko nang narinig yang salitang yan! Mahal! Ni wala nga kong
naramdaman sa sarili ko eh! Ni hindi ko nga naramdaman yung sinasabi mong
mahal. Katulad mo rin ako … nagbabayad. Sige nga, iparamdam mo nga sakin yung
mahal na yan.
Hugot #4.
Magtatanong
si Pasahero 5 sa konduktor.
PASAHERO 5: Kuya,
wala pa ho ba? Ang tagal naman! Nagmamadali na ko!
KONDUKTOR: Baka ho
parating na. Hintay-hintay lang po. Pasensya na.
Biglang
sisigaw si Pasahero 5
PASAHERO 5:
Pasensya? Ha Manong, pasensya? Sa tindahan lang nakakabili ng pasensya! Binigla
niyo kami! Hindi man lamang kayo nagpasabi. Ganyan na lang ba kayo lagi? Yung
basta-basta na lang. Hindi niyo ba naisip yung mararamdaman namin. Yung
mangyayari sa amin pagkatapos nito. Hindi! Kaya hindi ko matatangap yung
pasensya ninyo!
Lalapit
ang konduktor dahil sa ingay na nagaganap.
Hugot #5.
KONDUKTOR: Tumigil
na nga kayo sa pagpaparinig sa isa't isa. Ang iingay ninyo kanina pa! Ikaw
miss, Saan ka ba?
BABAE: Kuya, sa
Brgy. Bigay Sitio Kuha Ubos-Biyaya tapos Change Jowa!
KONDUKTOR: Eh ikaw
boss, saan ka?
LALAKI: Kuya, sa
Brgy. Tamang Hinala Walang Tiwala Minahal mo ng Tama ikaw pa Masama!
LALAKI/BABAE: Eh
ikaw kuya, tagasaan ka?
KONDUKTOR: Tagarito
lang sa terminal!
Sasayaw
ang konduktor at iba pang pasaherong nakapila ng budots. Mabibiwisit sina
Lalaki at Babae.
LALAKI: Hmp,
makapaglakad na nga lang.
BABAE: Magta-taxi
na nga lang ako.
Mag-aalisan
lahat ng pasahero at maiiwan lang ang konduktor. Sasayaw siyang mag-isa ng
budots.
No comments:
Post a Comment